今日係冬至，正所謂做冬大過年，唔知史友們今日可唔可以早啲收工返屋企做冬呢？
冬至係一年當中日照時間最短嘅日子，古人認為自冬至起，天地陽氣開始漸強，代表住下一個循環開始，係大吉之日。而响古代社會更被視冬至為新的一年嘅到來。據《漢書》所載：「冬至陽氣起，君道長，故賀。」咁重要嘅日子，就連皇帝都要舉行盛大祭天典禮，皇帝仲必須沐浴更衣，以示鄭重。而點解要响冬至祭天呢？因為中國以農立國，對天時十分重視。所以皇帝响冬至祭天，就係為咗祈求風調雨順，衣食充足，因此對於老百姓而言冬至係一個非常重要嘅日子。
原圖嚟自網絡